Toggle navigation
Библия Онлайн
Библия
Детям
Скачать
Программы
Обои
Послание к Колоссянам
, глава 4
← 3
1Фес →
Церковнославянский перевод
Русский синодальный перевод
Новый русский перевод
Восточный перевод
Перевод еп. Кассиана
Радостная весть
Юбилейное издание (Свет на Востоке)
Український переклад І. Огієнка
King James Version
Deutsche Luther
Беларускі пераклад
Biblia Tysiąclecia
Română traducere
Traducción al español
Traduction française
Ελληνική μετάφραση
Traduzione italiana
Tradução português
Türkçe çeviri
中文 汉译
← 3
Список книг
1Фес →
1
2
3
4
Господие, правду и уравнение рабом подавайте, ведяще, яко и вы имате Господа на небесех.
В молитве терпите, бодрствующе в ней со благодарением:
молящеся и о нас вкупе, да Бог отверзет нам двери слова, проглаголати тайну Христову, еяже ради и связан есмь:
да явлю ю, якоже подобает ми глаголати.
В премудрости ходите ко внешним, время искупующе.
Слово ваше всегда во благодати, солию растворено, ведети, како подобает вам единому комуждо отвещавати.
Яже о мне, вся скажет вам тихик, возлюбленный брат и верен служитель и соработник о Господе,
егоже послах к вам на се истое, да разумеет яже о вас и утешит сердца ваша,
со онисимом, верным и возлюбленным братом нашим, иже есть от вас: вся вам скажут, яже зде.
Целует вы аристарх спленник мой, и марко анепсий варнавин, о немже приясте заповеди: аще приидет к вам, приимите его:
и иисус нареченный иуст, сущий от обрезания: сии едини споспешницы во царство Божие, иже быша ми утешение.
Целует вы епафрас, иже от вас, раб Иисуса Христа, всегда подвизаяйся о вас в молитвах, да будете совершени и исполнени во всяцей воли Божией.
Свидетелствую бо о нем, яко имать ревность многу о вас и о сущих в лаодикии и во иераполи.
Целует вы лука врачь возлюбленный, и димас.
Целуйте братию сущую в лаодикии, и нимфана, и домашнюю его церковь.
И егда прочтется послание сие у вас, сотворите, да и в лаодикиистей церкви прочтено будет, и написаное от лаодикии да и вы прочтете.
И рцыте архиппу: блюди служение, еже приял еси о Господе, да довершиши е.
Целование моею рукою павлею. Поминайте моя узы. Благодать со вами. Аминь.
← 3
Список книг
1Фес →
Поделиться:
Facebook
ВКонтакте
Twitter