Первое послание к Коринфянам, глава 10

  1. не хощу же вас не ведети, братие, яко отцы наши вси под облаком быша, и вси сквозе море проидоша.
  2. и вси в моисеа крестишася во облаце и в мори.
  3. и вси тожде брашно духовное ядоша.
  4. и вси тожде пиво духовное пиша. пияху бо от духовнаго последующаго камене. камень же бе Христос.
  5. но не во множаиших их благоволи Бог. поражени бо быша в пустыни.
  6. сия же образы нам быша, яко не быти нам похотником злых, якоже и они похотеша.
  7. ни идолослужители бываите, якоже нецыи от них, якоже есть писано. седоша людие ясти и пити, и восташа играти.
  8. ниже соблудим, якоже нецыи от них соблудиша, и падоша во един день двадесять три тысящы.
  9. ни да искушаим Христа, якоже нецыи от них искусиша, и от змии погибоша.
  10. ни ропщите, якоже нецыи от них ропташа, и погибоша от всегубителя.
  11. сия же вся образи прилучахуся онем. писана же быша в научение наше, в нихже концы век достигоша.
  12. темже мняися стояти, да блюдется, да не падет.
  13. искушение вас не достиже, точию человеческое. верен же Бог, иже не оставит вас искуситися паче, еже можете, но сотворит со искушением и избытие, яко возмощи вам понести.
  14. темже, братие моя возлюбленная, бегаите от идолослужения.
  15. яко мудрым глаголю. судите вы, еже глаголю.
  16. чаша благословения, юже благословляем, не общение ли крове Христовы есть, хлеб, егоже ломим, не общение ли тела Христова есть,
  17. яко един хлеб, едино тело есмы мнози. вси бо от единаго хлеба причащаемся.
  18. видите ииля по плоти. не ядущии ли жертвы общницы олтареви суть,
  19. что убо глаголю, яко идол что есть, или идоложертвенное что есть,
  20. но зане, яже жрут языцы, бесом жрут, а не Богови. не хощу же вас общников быти бесом.
  21. не можете чашу Господню пити и чашу бесовскую. не можете трапезе Господнеи причащатися и трапезе бесовстеи.
  22. или раздражаем Господа, еда крепчаиши его есмы,
  23. вся ми леть суть, но не вся на пользу. вся ми леть суть, но не вся назидают.
  24. никтоже своего си да ищет, но еже ближняго кииждо.
  25. все, еже на торжищи продаемое, ядите, ничтоже сумнящеся, за совесть.
  26. Господня бо земля и исполнение ея.
  27. аще ли кто от неверных призывает вы, и хощете ити, все предлагаемое вам ядите, ничтоже сумнящеся, за совесть.
  28. аще ли же кто вам речет. сие идоложертвенно есть. не ядите, за оного поведавшаго и совесть. Господня бо земля и исполнение ея.
  29. совесть же глаголю не свою, но другаго. вскую бо свобода моя судится от иныя совести,
  30. аще аз благодатию причащаюся, почто хулу приемлю, о немже аз благодарю,
  31. аще убо ясте, аще ли пиете, аще ли ино что творите, вся в славу Божию творите.
  32. безпреткновени бываите иудеем и еллином и церкви Божиеи.
  33. якоже и аз во всем всем угождаю, не искии своея пользы, но многих, да спасутся.
Поделиться:
Facebook ВКонтакте Twitter